طريقتى فى العنايه بالفم

** اولا : العنايه بالاسنان :

** و الطريقه هتكون فى شكل خطوات يلا نبتدى :

1- تداومى على تنضيف الاسنان على الاقل مرتين يوميا

بفرشاه ناعمه و معجون اسنان كويس و مش هفرض عليكم اى

نوع يعنى كل واحده تستخدم النوع اللى يريحها



2- بعد ما تغسلى اسنانك تجيبى الفرشاه و طبعا هتكون مبلوله

حطى عليها شويه بيكربونات الصوديوم ( من بتاع الطعميه )

و افركى اسنانك والله مع المداومه هتلاقى اسنانك بقيت بيضا

و نضيفه لانه بيشيل الطبقات المتراكمه فوق الاسنان

** ممكن تستخدمى شويه ملح بدل بيكربونات الصوديوم

و فى طريقه تانيه كمان لتبييض الاسنان و هى قطعه عيش محروقه

تطحنيها كويس و بعدين تحطى عليه شويه عسل ابيض لحد

ما تبقى عجينه و حطيها على الفرشاه و افركى بيها اسنانك



3- دلوقتى جه وقت غسول الفم اللى بيدى ريحه حلوه للفم

و بيقتل اى ميكروبات مستخبيه بين الاسنان و الانواع كتير

بس انا بستخدم نوع اسمه " كولجيت " و دى صورته




4- بعد المجهود دا لازم نحافظ بقى و نستخدم هولز



ملحوظه : لو عندك المسواك كمان استخدميه لانه سنه عن الرسول

صلى الله عليه و سلم و نتايجه روعه


** ثانيا : العنايه بالشفاه :

** الطريقه فى شكل خطوات يلا نبتدى :

1- اهم حاجه ان الشفاه تكون خاليه من القشور و التشققات

و دا نقدر نعمله بالاهتمام الدائم بالشفاه

2- انتهزى فرصه انك غسلتى اسنانك و ان شفايفك مبلوله

و ابتدى اعملى اسكراب ليها بفرشاه ناعمه و بالراحه خالص

هتلاقى القشور كلها بتطلع معاكى و بالمداومه مش هيبقى فى قشور

و هتبقى ناعمه



3- اهم حاجه الترطيب لان الشفاه مفيهاش خلايا دهنيه و دا

بيخليها تتشقق و تقدرى تعمليلها ترطيب يومى بإنك تحطى فازلين

او اى كريم مرطب و تسيبيه 10 دقايق بعدين تغسلى شفايفك

بمياه دافيه



4- داومى على استخدام مرطب شفاه ( زبدة كاكاو ) من نوع كويس

و انا بفضل لابيللو لانها بجد روعه



5- حاولى تستخدمى ليب جلوس من نوع كويس لانه هيرطب شفايفك

و ابعدى عن الروج لانه بينشف الشفايف او لو حابه تستخدميه

حطى فوقه ملمع شفاه شفاف