ازاى تخلى جوزك يفكر 1000 مرة قبل ما يزعلك ويتمنى رضاكى على طول

بصوا يا بنات عايزين نتكلم جد شويه هزرنا كتير ودلعنا ياما واكلنا ياما وشربنا ولبسنا يعنى عملنا كل حاجه مع الباشوات بتوعنا دلوقت عايزين نقول ونعرف وسايل جديدة لمعاقبة الرجل وكله بالأدب يعنى بما اننا فى دنيا مش جنه والى متجوزنا رجاله وبش مش ملايكة فاكتيير اووى بيزعلونا وساعات نقعد نفكر نعمل اييه معاهم يعنى طول ما هو مطيع ورايق وبيسمع الكلام هنشيله على دماغنا لاكن لو قلب وغير فلازم يكون فييه اسلوب رادع علشان ميكررش الى بيعملة وانا باقترح عليكم شويه حاجات وكله بالأدب ومن غير ما نضيع حقنا وبرضه ما تنسوش الجزاء من جنس العمل يعنى لو غلط غلطة بسيطة مش زى ما يكون غلط كبيير يعن اتنرفز وشتم مش زى ما يضرب او يهين او يجرح الكرامة عطاكى كلمتين فى جنابك مش زى ما يحرمك من حاجة بتحبيها يعنى هنكونوا حقا نيين وكل واحد لازم يعرف حدة ويالقانون بس قانون البنات مش القانون بتاع بلادنا ولا القانون الدولى

يعنى هقترح عليكم شويه افكار لتهذيب الراجل واصلاحة والى تدخل منكم ياريت تضيف اى جديد او ترد ودا كله للصالح الجميع والى هتدخل وما تردش هيا حرة هنطلعها من الحزب وهنلغى عضويتها فى حزب اصلاح الرجل

يالا ميين معايا وهبدا انا اول واحدة شوفى يا جميل

1 ـ اسلوب لوى البوز يعنى اعمله كل حاجة بس وانا مكشرة فى وشه
2 ـ اسلوب المقاطعة يعنى برضة كل حاجة بس وانا واخدة ركن ولا اجلس معه ولااكلمة ولا اشاركة فى اى شىء وطول ما هوا قاعد اقعد فى غرفى تانيه
3 ـ اسلوب التهديد يعنى برضة من غير ما نغلط ممكن تقوليله على فكرة انا مش هستحمل كدة كتيير وما فيش حاجة تغصبنى على كل دا
4 ـ اسلوب الهجر يعنى طبعا يجى يقرب او يعوز اى شىء متخلهوش يلمس ايدك
5 ـ اسلوب الترغيب تجملى نفسك على سنجة عشرة وتحصرييه على انه مزعلك
6 ـ سحب الفلوس الكتير يعنة تربى له الهتهات كل شويه تخترعيله مصاريف
7 ـ عدم الأهتمام بيه وتتركيه يعنى بدال ما انتى متعودة تجرى عليه لما يدخل وتكونى معاه وهو بيغير ملابسه تسبييه حتى لو متعوده تاكلييه فى بؤه او طول ماهو قاعد مركزه معاه وعصاير وحلو وساقع تسيبى كل دا
8 ـ تتركيه يومين فى البيت لوحدة باى حجه مثلا زيارة لماما او اى شىء او هتغيرى جو مع اهلك وتسبييه فى البيت لواحدة بس يومين بس علشان يحس بفرق وجودك
9 ـ اسلوب الا مبالاه بييه وباى شىء بس فى حدود المعقول يعنى لو متعودة تساليه او تساعديه فى اى شىء
ودول الى حاضريين دلوقت فى دماغى وياريت كل واحدة عندها اسلوب جديد تضيفة ودا كله منه انه يعرف قيمتك ويعرف قيمه وانتى راضيه علييه ويقدر يحاسب نفسه ويعرف الفرق بين غضبك ورضاكى
وكله فى حدود الأدب والأحترام يعنى اوعى تغلطى او تخلييه يمسك عليكى واحدة بذكاء وبحنكة