الثلاثاء، 11 ديسمبر 2012

غلطات بتقعى فيها قدام جوزك وانتى مش حسه .... تعالى بسرعه اقولك عليها


كوني أنثى - غلطات بتقعى فيها قدام جوزك وانتى مش حسه .... تعالى بسرعه اقولك عليها

رفع الصوت سواء بزعل او مزح او حتى الكلام معه بصوت عالي ومزعج...كوني انثي
· مزح بكثره وبدون حدود لدرجة توصل استهزاء في شخصيته وشكله بكذا ينعدم احترامه لكي ويبدأ يجرح فيكيكوني انثي

· الكلام عن الناس وخاصة عن اخواتك وحريم اخوانك وسلفاتك ووصفهم تخليه يعجب او يتعلق بوحده فيهم وانتي ياغافل لك الله

· توصفي نفسك قدامه بوصف قبيح مع الايامم حيشوفك بنفس القبح الي وصفتي نفسك فيه مثلا (سرت دبه..او كرشتي كبيره او لوني اسمر..الخ..او تسبي نفسك اوتشتميها قدامه..مثلا:انا هبله ..انا غبيه..انا خواافه..انا شكلي غير عن البنات..


كثرة الكلام والشكوى على راسه من يوم يجي ومن الدوام الين ينااام تخليه ينفر منك(حاولي تلخصي كلامك في كلمتين مختصره ومفيده وحاولي تنهي الحديث انتي قبله )
· كثرة انتقاده وكثرة احراجه وخاصة امام الاولاد او اهله او أي احد من الناس او حتى لو كان مو قدام احد(تخليه يحس بعدم احترامك له..كوني انثي
· عدم احترام اهله وسبهم وشتمهم واظهار كراهيتك لهم سواء بسبب او بدون..
· تقولي له رأي صديقتك او اختك او أي احد فيه..مثلا(صديقتي تقول عنك حلو ولا كريم ولا سألتني عن عطرك...انتبهي
انتبهي تمدحي زوجك في شكله..وايضا لا تنتقديه في شكله خليكي وسط معاه دايما حتى لو اخذ رأيك في شكله خلي ردك بسيط وقليل مثلا..شكلك انيق..وبس ما تكثري

· لا تحاولي تعبري و تشرحي لزوجك كل احاسيسك تجاهه اتركيله مساحه يفكر فيك شويه ويكتشف ويبحثكوني انثي
ويستنتج

لاتحاولي تستدري عطف زوجك وتمثلي عليه دور الحزينه ولا المريضه ولا الباكيه.. حتى لو نجحتي في ذلك لأنه راح يعيش معاكي اكثر ويعرفك اكثر ويكتشفك ..
· لاتتنازلي عن أي حق من حقوقك ابدا مهما كان والا اصبحتي انتي الخسرانه دائما..
· سؤالك لزوجك عن شكلك ورأيه في لبسك ولوكك وطبخك او أي شي..يشعره بعدم ثقتك بنفسك
· العبوس عند الاستيقاظ من النوم.كوني انثي.انتبهي..ولابد من الابتسامه..
· وضع المكياج المبالغ فيه..او في اوقات غير مناسبه..
· الاطاله في التحدث في التلفون اثناء تواجده..حاولي الاختصار في المكالمه قدر الاستطاعه..
· تكرار الحديث والقصص نفسها يجعل من حديثك ممل· كوني انثي
فتح مواضيع مع زوجك في وقت غير مناسب..والنقاش والجدال ايضا على مواضيع تكون تافهه وما تستاهل كل هذا الجدل.
اذا جلستي معه سواء في السيارة او قدام التلفزيون لاتحاولي تتكلمي وتعلقي على كل شي شفتيه..خليه يواصل تركيزه..(مثلا :لوشفتي الفلم قبله لا تحرقي عليه الفلم وتقوليله الاحداث قبل ما يشوفها ..واذا انتي بالسياره لا تحاولي تتلفتي في السيارات الي حواليك وتأشري على الناس خليكي رزينه وثقيله بس مرحه ونفسك حلوهكوني انثي

لاتطلبي زوجك كل شويه طلب..:مثلا نقص عليكي أي غرض من اغراض البيت لاتتصلي عليه كل شويه وتقولي له نسيت اقولك جيب معاك ملح ونسيت اقولك جيب معاك زيت ونسيت اقولك ..الخ ..لازم تشوفي كل الاغراض الي ناقصه وترسلي له رساله كاتبه فيها كل النواقص

انتبهي تتكلمي عن مشاكل اهلك قدام زوجك وتقولي له عيوب اهلك واخوانك..لأنك راح تهيني نفسك و راح تندمي وهو راح يمسك عليكي نقاط ضعف..خليكي بنت اصول لا تتكلمي عن اهلك الا بكل خير وحب وفخر.. ولا تخلي لسانك يهينك ويوديكي في داهيه
· لاتتكلمي عن ماضيك قبل الزواج قدام زوجك كوني انثيوحتى لو هو اعترفلك..و لو سألك لا تقولي عن نفسك الا كل شي يشرف..انتبهي في بناات كثيرر وقعوا واطلقوا في ثاني يوم من زواجهم..لأنه في رجال عندهم اسلوووب مررره خطيرريستدرج الوحده ويخليها تعترف على نفسها ومهما كان الرجال متحررومنفتح لاتقولي..لأنه الرجال الشرقي عاداته هي هي ما تتغير

لاتدخلي في بيتك ناس ما تعرفيهم وخاصة الي تكون مو متزوجه او مطلقه..

· اذا جاء زوجك من العمل لا تحاولي تتشكي من الاولاد وتتذمري او تسألي عن الاغراض الي نسي يجيبها ..خليه ياخذ انفاسه ويجلس يرتاح..وبعدين يسير خير"
بعض الحريم تبغى رأي زوجها في أي شي تسويه بسرعه وفي نفس اللحظه تبغا تعرف رده واذا ما قال شي او ماسوى ردة فعل.. تزعل وتنكد..وهذا الشي يخليه يحس انك مو واثقه من نفسك اولا وثانيا يخليه يقول عنك نكديه صح..

بعض الحريم ما تلبس ولا تتعطر الا وقت الخروج او اذا جاء الضيوف..اكيد الزوج بيلاحظ كل هذا وماراح يتكلم..بس بعدين بيسير يدور وحده ثانيه تعطيه الي فاقده..كوني انثي

· تقليد الزوجه لبعض الشخصيات الي يعرفهم زوجها سواء بالصوت او الحركات او في اللبس اوجهات النظر..مثلا تقلد اخته بطريقة الكلام او اختها او صديقتها ويكون الزوج عارفها واصلا عارف حركات زوجته فيحس انه عقلها صغير وما عندها شخصية مستقله ويقلل من احترامه لها..
كوني انثي
لاتفتشي جوال زوجك او لاب توب حقته اومحفظته او ملابسه او شنطته او مكتبه او أي شي يخصه..لأنه راح يحس انك ماتثقي فيه وانك ما تحترمي اشياءه الخاصه وممتلكاته االشخصيته ويحس انك انسانه شكاكه ومريضه ومراقبتك له راح تخليه بينك وبينه فجوه راح تكبر مع الايام ويسير يخبي اشياء عنك ويكذب عليكي..
(حاولي تلاقي لك حل غير هذا)



· لاتعبري لزوجك عن حالتك النفسيه بشكل مستمر طوول اليوم..مثلا:اوووف انا طفشانه..اوووف انا تعبانه..اوووف انا قرفانهكوني انثي..انتبهي راح يحس بالملل معاكي وبتحسسيه بالمسؤليه والذنب بالي انتي فيه وهو ماله ذنب اصلا..
احذري من البكاء اليومي والكثير والحساسيه المفرطه لأنها اسلحتك الفتاكه ضده..ولو استخدمتيها دايما معه ماراح تسير تأثر فيه لأنه تعود عليها..
احذري عندما يطلبكي زوجكي للسرير ان تظهري عدم رغبتك في كل مرره بدافع انك مؤدبه وانه عيب ..لاانتبهي ترا الزوج يكره الجنس اذا ما جا برغبة الزوجه..

· واخيرا لا تكوني سطحية جدا في حديثك مع زوجك خليكي انسانه مثقفه تتكلمي وتعلقي على اخر الاخبار سواء السياسيه او الرياضيه او العامه لأنه بكذا راح تخليه مايمل الحديث معك ويرتاح لاارائك..ويحسك كصديقه له.. كوني انثي

ليست هناك تعليقات:

إرسال تعليق