هتتقبليها يامدام عشان مصلحتك

السلام عليكم ورحمة الله وبركاته
ازيكوا يافتوكاتي في موضوع نفسي اتكلم معاكوا فيه وبفيد في نفسي قبل ماافدكوا وده يعتبر سر من اسرار السعاده الزوجيه هتقوليلي ازاي هقولك ياموزه منك ليها بس قبل اي حاجه كل وحده فيكوا تصلي عالنبي وتعقد النيه من جوها انها هتعمل كده عشان ترضي ربنا ثم ترضي زوجها ال هو سبب في دخولها الجنه

طبعا كلكوا زهقتوا من المقدمه وهتقولولي قولي بقا يابت ياتسنيم المفيد وخلصينا هقولك بس متضربيش منك ليها

جوزك قالك انتي تخنتي شويه جوزك قالك الاستايل بتاع قمصانك غيريه
اكلك دلع مش حلو اومش مستوي او اعملي كذا في العلاقه الحميمه ال بينكوا افرحي اه والله

هتقوليلي انتي يابت معندكيش دم عشان افرح وجوزي بيقولي اعملي وغيري واتعدلي واتحسني وكاني مش عجباه او انا مثلا مبفهمش عشان يعدل عليا

هقولك لا خلي نيتك صافيه وافترضي الحلو دايما من زوجكك هو قصده يقولك ال في نفسه وال هو عايزه وهو لو مش بيحبك او عايزك او خايف على علاقتكوا عمره ماهيطلب منك تتغيري وتبقي على مزاجه بالعكس ده لو هو مش كده خافي لانه ممكن يكون بيبص بره او هيبص بالفعل اه والله هيبص لو انتي متقبلتيش منه ال هو عايزه وده لمصلحتك ازاي

انتي حاولي كل فتره تقعدي معاه وتقوليلوا ايه ال فيا مبتحبهوش اوايه ال عايزني اعملهولك ويرضيك
ايه ال ازود منه ايه ال نقص منه يعني يكون في حوار متجدد لعلاقتكوا مع بعض وانتي شرحه تقوليلوا ياحبيبي انا نفسي يبقى اسلوبك معايا كده نفسي تلبس كده نفسي تعامل الاولاد بالطريقه دي بس اهم حاجه الاسلوب وده برضوا طريق من الطرق ال تجنن لسعاده الزوجيه ان يكون في اسلوب وحوار بينكوا عشان الحياه بينكو تكون متجدده ومفهاش ملل ويكون كل واحد فيكوا فعلا عنيه ممليه بالتاني وعمركوا ماهتحسوا بالنقص او تبصوا على ناس تانيه سعيده اكتر منكوا لا هيكون عندكوا اكتفاء ورضا في مسيرة الحياه