ياترى بتتخانقى إنتى وجوزك كتير!!طيب تعالى بسسسرعه

)ياترى إنتوا زعلانين مع بعض؟؟أومال محدش بيكلم التانى ليه؟؟(
طبعآ سرحتى دلوقتى
أول حاجه بلاقيكى بتقوليها لنفسك:
إذا كان هو تعبان فأنا كمان تعبانة ومرهقة..يبأه ليه بيتعصب عليا؟!!!
‏.
‏.
من هنا بتدور عجلة الخلافات إللى مابتنتهيش
هو زعلان!!
وهى زعلانة!!
... وكل واحد بيجيب اللوم على التانى
والحقيقة!!
*إن مفيش بيت مفهوش مشاكل!!
*ومفيش زوج مابيزعقش ويزعل ويشخط ويغضب!! صح ولا إيه
لكن!!!!!!
الست الذكية هى إللي تعرف مفاتيح جوزها‎‎
يعنى تعرف إزاي تتصرف عشان تمتص غضبه بكل هدوء ومحبه
)إيه التكشيرة بس دي كلها!! أنا عارفه إنه صعب وخاصة لو مش متعوده على كده بس تابعي ياحبيبتى وهتستفادي والله بس .... إدفعى(
إنتى نسيتى ولا إيه!!!
صلى الله عليه وعلى آله وصحبه وسلم
)شطورة شطورة(
‏.
‏.
إتفقنا إن كل واحده عارفه مفاتيح جوزها
تعالى بأه أقولك حاجه كمان فى ودنك لحسن حد يسمعنا قربى...
)أوعي تزنى وتلحى عليه عشان تعرفى إيه إللي مضايقة(
أيووون أياكى أسمعك تفتحيله محضر أنا بحذرك أهو
أومال تتصرفى إزاي؟؟
بصى ياقمرايا أول ماتشوفيه زعلان خليكى حنينه عليه
قومي هاتيله عصير وقوليله أنا عملاه مخصوص لحبيبى
بعد مايشرب حاولى تملسى على كتفه وضهره بحنيه حسسيه بحبك له
سيبيه هو إللي يفضفضلك من نفسه حسسيه إنك بتحترمي خصوصية
)هو مفيش خصوصيات بينكوا بس على الأقل ميحسش إنك بتطفلي أو بتزنى ساعتها مش هيفضفضلك وهيدور على إللي يسمعه من غير ما يستجوبه(
... أوعى تفتكر بأنه لما يكون زعلان يبأه حصل فتور كده والحب بينكم سافر لالا ياحبيبتى غضب جوزك مش دليل على نهاية الحب
أما إنك تحافظي على الحب فده بيتوقف علي مدى التفاهم بينكوا وإحترامكوا لبعض...
‏.
‏.
‏.
طيب إزاي تتصرفى فى حالة لو حصل لاقدر الله مشكله بينكوا؟؟؟
 
. كتير ممكن يحصل خلاف حاد جدآ بينك إنتى وجوزك بس للأسف كتير من الخلافات دي تكون بسبب حاجه تافهه لكن سوء تصرفنا وسوء ردود فعلنا هي إللي بتخلي الخلاف يتطور إنكوا تهجروا بعض!!
أو إنك تروحي بيت أهلك!!
أو يوصل للطلاق لاقدر الله!!
طبعآ كل ده بيأثر جدآ على نفسيات ولادنا لأن الزعل والنرفزة بتعمي صاحبها!! فتخليه مايسمعش فى ودنه غير صوت الشيطان ووسوسته)أعوذ بالله( ومايشفوش إلا إللي مصوره الشيطان ليهم ومضخمه!! ويوم ماتسكتوا وتصالحوا بعض وترجعوا لعقولكوا بتندموا أشد الندم
ومابيندمش إلا إللى خسر حاجه كبيره جدآ
وهل فيه خساره أعظم وأكبر من فقد البيت والأبناء؟؟؟!!!
إذآ
ماتخسريش بيتك وجوزك وأولادك وسعادتك بسبب لحظه زعل مأحسنتيش التصرف فيها...
‏.
 
** إحدى الأخوات كان جوزها بيحبها حب جنونى حب كبير حب عظيم أوى وصل للعشق لدرجة إنه كتب لها مزرعته وشقته بإسمها ... فلما أهله عاتبوه ولاموه على إللي هو عمله
قالهم:
" والله لو أملك أن أكتب لها ثيابى لكتبت"
‏.
‏.
فى مره حصل مشكله بينهم فرفعت صوتها عليه وكل واحد منهم بدأ يشتم التانى ويتهمه إن الغلط منه
فهددها إنه يتجوز عليها
فإستهزأت بيه وإتحدته بكبرياء!! فكرت بإن حبه ليها هيمنعه!!
ثم خرج من عندها....
وفى أقل من شهر كان فى حضن واحد تانيه وبقت هي فى حضن الجحيم بسبب لحظه مأحسنتش التصرف فيها!!!
‏.
‏.
دي قصه واقعية..ومش من وحى خيالي..ولما شوفت إن الموضوع خطير وبيتكرر بشكل دايم فى حياتنا شاركت معاكم بالموضوع ده عشان ندي نفسها فرصه إننا نفكر بالعقل ونشوف تأثير الكلمة إللى بتطلع مننا أثناء أي خلاف وبإن بيتنا ممكن يتبنى بكلمه وممكن لاقدر الله يتهد بسبب كلمه
‏.
‏.
)ربنا يحفظ بيوتنا من كل سوء(
‏.
‏.
‏.
طبعآ كل واحده فينا نفسها فى خطوات تتعلمها عشان تحافظ على بيتها حتي لو حصل خلاف..تابعوووا معايا وبإذن الله هنقول الخطوات إللي نخمد بيها نيران المشاكل قبل أن تشتعل...
 
*ركزوا معايا أوووى*
‏.
‏.
أولآ
لو شفتى جوزك متعصب وبدأ يصرخ ويشتم ويتهمك .. فإلزمي الصمت التاااااام الصمت ثم الصمت حتى ولو قلبك كان بيغلى وجواكي غيظ وقهر من إللي بتسمعيه منه!!
شوفتى للدرجة إيه لو حتى جواكي بيغلي...إصمتى نهائي وإستعيذى من الشيطان فى سرك وإستغفري كتير بس جواكي وفى سرك وصدقينى ده هيثبتك بإذن الله وكتير جربوا كده..
عاوزاكي تعرفي حاجه مهمه أوووي
** إنك بصمتك ده بتقفلي الباب فى وش الشيطان إللي بيبأه أحرص مايكون فى اللحظات دي عشان يخرب البيت
وماتنسيش إن سنة نبينا العطره ذكر فيها دليل كلامي..
فقد ورد فى الحديث الصحيح:" أن إبليس ينصب عرشه على البحر ثم يرسل جنوده من الشياطين ليغووا بنى آدم فيأتيه من يقول: لازلت بفلان حتى زنى، والآخر يقول: لازلت به حتى قتل، وهو يقول لهم: لم تفعلوا شيئآ.. حتى إذا جاء من يقول: لازلت به حتى فرقت بينه وبين زوجته يقول له إبليس: أنت، أنت، ويقربه منه ويدنيه"
طبعآ حبيباتى ده يخلينا ناخد بالنا بجد الشيطان والعياذ بالله شغله الشاغل إنه يخرب بيوت المسلمين..
‏.
‏.
‏.
حبيبة قلبى،،،
هل من الحكمة والعقل إنك تشوفى نار مشتغله فتقومي صابه فوقها بنزين وتقولي إنها بكده هتنطفي؟!!!!
طبعآ سمعاكى بتقولي لأاااا
طيب ركزي ياحبيبتى وإفتكري إنك لما تناقشى جوزك وهو غاضب ومتعصب بإن نقاشك ده هو البنزين إللي بتصبيه علي قلب جوزك فيشتعل أكتر!!
ولو خدعك الشيطان وقالك:"ناقشيه عشان يفهم بس ويسكت ويقتنع!" إفتكري فى اللحظه دي إنه:
مش هيفهم
مش هيفهم
مش هيفهم
وأنا بقولك أهو وطبقي كلامي علي نفسك وشوفى..
بكده إحنا متفقين على مبدأ إن ماينفعش تحلي أي مشكله ولا إنك تحاولي تفهمي جوزك أي حاجه لأن الجو مشحون وإنتو الإتنين متعصبين وعقلكوا مغيب ونفسيتكم سيئة لأقصي درجه والشيطان قاعدلكوا..
‏.
‏.
‏.
يقول صلى الله عليه وسلم )صلى عليه( :
"من كان يؤمن بالله واليوم الآخر فليقل خيرآ أو ليصمت"
صدق رسول الله صلى الله عليه وسلم
** سنة الحبيب المصطفي لم تخلوا من أي حاجه دايمآ بنلاقي سنته العطره بتهدينا للإصلاح..
خدي بالك إنك فى اللحظات دي وبالذات لو كنتى عصبيه فإنتى مش هتقولي خير أبدآ عشان كده لازم نصمت إن كنتى بتؤمنى بالله واليوم الآخر..
وكونى ممن مدحهم الله بقوله:"والكاظمين الغيظ والعافين عن الناس" صدق الله العظيم
)آل عمران : 134(
_ خدي بالك ياحبيبتى
الراجل بطبيعته عصبى..سريع الإستثاره جدآ ولما بيغضب مابيقدرش يميز إللي قدامه ومش من الحكمه أبدآ إنك تناطحية زي ماالرجاله بتناطح بعضها ولا إنك تشدي كل مايشد ولا إنك تتعصبى وقت مايتعصب لا لا لا ياحبيبتى لو هو شد إرخي إنتى ولما يلين معاكي عاتبيه بدلال من غير ماتهاجميه...
‏.
 
كنا قولنا فى أول كلامنا إنك لو شوفتى جوزك غضبان ومتنرفز يبأه لازم تصمتى وفهمتك بإستفاضه..
‏.
‏.
‏.
‏.
طيب لو إنتى من النوع العصبى إللي مابيعرفش يمسك نفسه وقت الخلاف
فنصيحه منى إخرجى من الأوضه إللي هو فيها فورآ بس بطريقه شيك!!
إزااااااي الكلام ده!!
هقولك ياسيدتى
يعنى مثلآ إتحججى بأي حاجه عشان تجري من قدامه قبل ما المشكله بينكوا تكبر
زي مثلآ تقومي قايله فجأه مثلآ:
البوتوجاز!!! الحاجه إللي عالنار!!!
وتستأذنى وتجري ههههه
أو مثلآ تجري عالحمام وتقفلي علي نفسك كأنك عاوزه*** ههههه وأقعدي براحتك جوا بأه
أو مثلآ تجري عالبلكونه وتتحججى بأي حاجه وهكذا بأه خليكي ناصحه مش هوصيكي أصل دي حركاتنا ههههه
‏.
‏.
‏.
طيب لو كنتى من النوع الهادي الحليم فى الحاله دي بأه أوعى تسكتى!!
)لحسن يفتكرك بارده وهو فى الوقت ده بيتلكك ههههههه(
‏.
‏.
لا لا لا مش إللي فى دماغك لا ياقمر هدي اللعب إنتى فهمتى غلط كده...
أنا مش بقولك إنك ماتسكتيش وتتعصبى وتلمي الشارع لالا ياجميل
)وأنا إللي كنت بقول عليكي هاديه ههههه!!!(
بس ركزي معايا لو كنتى من النوع الهادي فماتسكتيش لكن حاولي تمتصي غضبه فى اللحظه دي بلمسة حنان منك تمرريها علي وشه وجسمه وتحتضنيه فيها أو إبتسامه هاديه منك تنوري بيها الدنيا من فمك وتطفي النار اللي جواه ومعاهم بأه كام كلمه طيبه رقيقه منك تطيبى بيها خاطره زي مثلآ:
**ماعاش إللي يزعلك
**مش هيكون إلا كل إللي يرضيك .....إلخ
وكل واحده وعارفه مفتاح جوزها
وإفتكرى حديث النبى صلى الله عليه وسلم
)فليقل خيرآ أو ليصمت( لو أخدتى بالك هتلاقيه صلي الله عليه وسلم قدم قول الخير على الصمت
والكلمة الطيبه إللي بتمتصي بيها غضب جوزك دي من قول الخير المقدم على الصمت،،، هنيئآ لكى الجنة بإذن الله
فلا تنسى إن أول حاجه بتتسألي عنها يوم القيامه هي الصلاة
ثم
الزووووووج
 
آخر حاجه كنا إتفقنا عليها هى الكلمه الطيبه
)فليقل خيرآ أو ليصمت( وإتكلمنا عنها بإستفاضه..
‏.
‏.
‏.
إنهارده أنا جاية أقولك حاجه مهم أوى كتير منا ممكن يغفل عنها وهى
"الدعااااااء الى الله"
‏.......
إلجئى إلي ربنا سبحانه وتعالي بالصلاة والدعاء بإن يفتح على قلبك عشان تحسنى التصرف معاه..ويفتح علي قلب زوجك ويخليه يشوف الحق ويقربه منكم ويخليه يميز الباطل ويحفظكم منه
‏.
‏.
صدقينى بعد ماتدعي ربنا كتير هتحسي إن قلبك إتغسل وكل إللي فيه خير ليكي هتلاقيه متيسر وده من بركة الدعاء..
بس
خدى بالك إن الدعاء مطلوب فى كل وقت
إحنا بس بنأكد أهمية إكثارك منه فى الخلاف وخاصة قبل كلامك مع جوزك بيكون ضروري.
 
عاوزه أقولك نصيحه فى غاية الأهمية..
ركزى أوى جدآ خالص
‏.
‏.
‏.
** إتجملي لجوزك وإلبسي أجمل الثياب وأكمل الزينه..وحطي العطور اللى بيحبها.. ورشى البخور..
وبعدين
روحيله وفاتحيه فى موضوعك ،،،
وبأكدلك علي أهمية إنك ماتفاتحوش فى حاجه إلا بعد ماتهيأي الجو وتجمليه لأن تزينك ليه بيحسسه إنك جياله عشان ترضيه وتسعديه مش عشان تخاصميه أو تحاكميه!!
ده غير إن تزينك ده بيهيئة نفسيآ ليكى ولكل إللي هتقوليه..
وده كمان إستجابه لأمر ربنا سبحانة وتعالى:
" ادفع بالتي هي أحسن فإذا الذى بينك وبينه عداوة كأنه ولي حميم" صدق الله العظيم *..فصلت:35
لكن!!!!!
خدى بالك من الآيه إللي بعدها:
" وما يلقاها إلا الذين صبروا وما يلقاها إلا ذو حظ عظيم "
صدقت ياإلهى فيما قلت وأبدعت فيما أنزلت
‏.
_كنا آخر حاجه إتفقنا عليها إنك تتجملي لجوزك وذكرنا إنك بكده بتنفذي أمر ربنا سبحانه وتعالي...
‏.
‏.
إحنا إنهارده جايين عشان نتفق سوا هتعملي إيه بعد كل الخطوات السابقه بعد ما..
* صمتتى وتماسكتى
*وبعد أن إبتسمتي وقلتي كلمه طيبه
*وبعد أن دعيتى ربنا
*وبعد أن تزينتى وتجملتى...
تعالى بأه ياحبيبة قلبي ركزي شوفي هقولك تعملي إيه
‏.
‏.
‏.
_هتروحيله بخطوات هاديه وإنتى بتنظريله نظرات كلها حب وشوق وحنان..بعد كده إبتسمي فى وجهه وقربي منه وحطي إيدك فى إيده وقوليله:
)وإنتى بتمسحى بإيدك علي أجزاء من جسده(
.. والله لا أذوق غمضآ حتى ترضى
‏.
‏.
فيه فتوكه ممكن تيجي تقولي: بس دي لغه عربيه فصحى أوى وممكن مقدرش أقولهاله بالشكل ده...
‏**
بصى ياحبيبتى الأمر بسيط
قوليله بحب: والله عينى ماتقدر تدوق النوم وقلبك مش راضى عليا..
‏.
‏.
إعملي بس إنتى إللي بقولك عليه وسيبى الباقي على توفيق ربنا وإدعيلي
‏.
‏.
ولما تعملي كده شوفى النتيجه بأه:
)جوزك هيتحرج من المعامله الجميله دي منك رغم إنه هو المخطئ والمسيئ..وهيفضل فاكرهالك وحافظهالك فى قلبه..ده غير إنك هتكبري فى نظره أوى..ويفتحلك سمعه وبصره وعقله وقلبه فى الساعه الجميله دي..وبكل هدوء وحب ورومانسية ناقشيه فى سبب الخلاف اللي حصل وإتفاهموا سوا(
‏.
‏.
‏.
شوفتى ياحبيبتى الأمر سهل إزاي وبسيط أوى
وهنيئآ لكى الجنة بإذن الله...
‏.
‏.
‏.
سمعاكى بتقولي بإن كلامنا فيه شئ من المثالية الزايده إللي مش موجوده على الأرض..أو إن مستحيل واحده مجروحة إنه يبأه عندها صبر وطولة بال وتدوس علي مشاعر غضبها وقلبها إللي بيغلي وتقوم بكل هدوء لتبتسم!! وتتزين!! وتداعب!!
وكأنه قدملها هديه!!!
إنتى عندك حق ومش أي واحده تقدر تعمل كده أنا معاكي بس هرجع وأفكرك يابنت الإسلام بقول ربنا سبحانه وتعالى:
)وما يلقاها إلا الذين صبروا وما يلقاها إلا ذو حظ عظيم(
صدق الله العظيم..فصلت:35
‏.
‏.
خدي بالك ياحبيبتى إن النتايج الهايله إللي هتشوفيها قدام عينك هتخليكي تطبقي الكلام ده مره وإتنين وتلاته ومليون وإنتى مبسوطه وهتنسى موضوع الكرامه المزيفه لأن مش كل حاجه تتاخد علي محمل كرامتى وكرامتك لأن دي من أفعال الشيطان والعياذ بالله والمصطلح ده لما بتحطيه فى تفكيرك كتير بيخليكي تتعبى وتحسبى أمورك بصوره غلط..وطبعآ إنتى لسه ماحستيش بحلاوة كل إللي قولناه رغم براكين الغضب إللي فجرتيها علي مدي سنوات جوازك..بس جربى كده وهتلاقي جوزك سبحان الله كأنه ولى حميم مابيتعبكيش ولا بيبعد عن رهن إشارتك طرفة عين.
‏.
‏.
‏.
‏.
إسمعي كده معايا
قالت إحدي الزوجات:
)كنت أنا جوزي على طول فى خناق دايمآ ومابنلحقش نرتاح من المشاكل إسبوع واحد إلا وبنرجع تانى!! وكل مايقولي كلمه أقوله عشره!! والله مابكونش أقصد أجرحه أو أزعله لكن كنت بتكلم عشان أفهمه بس وأبرأ نفسي!! لكنى لاقيته مابيفهمنيش ومابيصدقش أي حاجه بقولها وألاقيه يصب عليا سيل من الشتايم المقززه وده بيخلينى أغضب منه وأهجره أيام!! وممكن كمان أسابيع!! وطبعآ مابخرجش بنتيجه لأنه مابيعتذرش!! كالعاده ومابيعترفش بخطأه!! ولا حتي بيغير من سلوكه ولا من تفكيره..
‏
_وفى ليله من الليالي إتصلت بواحده صديقتى وبثق فى نصايحها ليا وكنت وقتها هاجره جوزي بسبب خلاف!! كالعاده..فإشتكيت ليها عشان تخفف عنى وتواسينى!! إتفاجئت بيها بتجيب اللوم عليا وعلي الطريقه السيئه إللي بواجه بيها الخلاف إللي مابتوصلنيش غير لمشاكل دايمآ!!
وقالتلي: قومي دلوقتي يلا وإلبس أجمل حاجه عندك وسرحي شعرك وحتي برفان إللي بيحبه وروحيله فى خطوات كلها رقه وجمال ودلال وإبتسمي فى وجهه وبصيله وإنتى رايحاله وبمجرد ماتقربي منه حطي إيدك فى إيده وقوليله: " والله عينى ماهتدوق النوم وأنت قلبك مش راضى عليا " وبعد كده دلعيه وبعدها فاتحيه فى موضوعك..
‏
أنا سمعت كلام صديقتى وأنهينا المكالمه وقمت صليت العشاء ودعيت ربنا إنه يعيننى ويفتح على قلبى وقلبه وبعد كده نفذت وصيتها بكل إتقان وبراعه..
‏.
‏.
‏.
‏.
إنتوا متوقعين إيه شكل النتيجه؟؟!
‏.
‏.
‏.
‏.
جوزي إتفاجئ وبأه مذهول!!
)لكنها مفاجأه جميله بلاشك(
وسبحان الله إستجاب ليا إستجابه ماحصلتش قبل كده!! فهو كان فى الأول شديد صخر مابيغيرش رأيه ولا حاجه نافعه معاه!!
وأكتر حاجه أثرت فيها وخلتنى أتعجب علي قدرة ربنا سبحانه وتعالي هي الدمعه إللي نزلت منه وأنا بشتكيله وبكلمه وأسفه وإعتذاره ليا وقتها!!
ياااااه!!!
أقسم بالله العظيم عمر جوزي ماإعتذر ليا فى حياتي أبدآ إلا فى اللحظه دي!!
لأول مره فى حياتى أعرف إن جوزي بالرقه والطيبه دي
لأنى ماكنتش أعرف الطريق إلى قلبه لحد ماربنا هدانى ليه دلوقتي(
‏.
‏.
‏.
دي قصة أخت فى الله وتبسيطآ لموضوعنا أنا جبتها عشان نستفاد منها ويااااارب يااااارب يصلح بيوتنا ويبعد عنا شياطين الإنس والجن
‏.