كريم المعجزةلشعر ناعم وطررى ولامع وطويل فحت وتحدى
المكونات
كريم المعجزة
1- حمام كريم( اى حمام كريم متوفر عندك وعلى فكرة مش شرط يكون غالى لاننا
هنضيف عليه اضافات هتخليه احسن من اى حمام كريم غالى وهتشوفوا معايا) انا
جبت mink بتاع الشبراويشى بجنين القمح ب6 جنيه
زيوت اساسيه
2-زيت خروع ( ب3 جنيه من اى عطار)اجبارى
3-زيت سمسم و زيت زيتون -( بردة ب 3 جنيه من اى عطار ) اجبارى
4- 7 فصوص توم بقشرها اجبارى
5-حزمه جرجير اجبارى
6-جاز (ربع فنجان )
الحوامل والمرضعات بلاش يحطوا جاز
هوة انا معرفش اذاكان غلط او لا بس بلاش علشان كدة افضل للامان بردة اوكى
على فكرة اختيارى يابنات بس طبعا الاحسن انكم تحطوا لو عندكم انا بقول كدة
ليه لان فى مرة مكنش فى جاز وبعت اخويا يجبلى ملقاش ايام ازمه البنزين
ولان فى ناس مش بطيق ريحته
لازم يشوفوا حل فى الجاز دة يعنى شعورنا تعمل ايه هتبقى عنوسه وارايل كمان ههههههههههههه
7- زيوت اختياريه
زيت خردل - زيت جنين القمح- زيت جوز الهند
كل مكترتى زيوت كل مكان افيد
اسمعونى بقى كويس فى الخلطه
الاول
الخلطه دى مش من دماغى لوحدى
دى دكتورة سمر العمريطى كانت قايلاها فى برنامج وقالت ضيفوا اى زيوت على
حمام الكريم بتاعكم كلها مفيدة للشعر اى زيوت عندكم وكمان ربع فنجان جاز
حتى المذيعه قالت لها جاز قالت ايوة جاز
انا بقى ضفت زيت خردل وتوم علشان الفايدة تبقى اكتر لان التوم زى محنا عارفين مفيد اوى لانبات الشعر وتتقيله
نتوكل على الله
هتجيبى حمام الكريم بتاعك
هتقسميه نص تحطيه فى اى برطمان مغلق كويس وتحطيه فى التلاجه
علشان لو حطيناه على علبه الكريم كله هيدلدق وهيتكب منه
علشان لما النص اللى احنا عملناه يخلص نستعمل الجزء اللى احنا شايلينه
والنص اللى فى العلبه بقى هقولك تضيفى ايه عليه؟
1- هتجيبى الجرجير وفصوص التوم فقط بالقشر وفى الخلاط مع شويه ماء صغيرين
خالص علشان يتلحلحوا بس وينضربوا فى الخلاط واديله ادى فى الخلاط لغايه
يبقوا مهروسين كويس
2- هتحطى الخليط اللى فات على حمام الكريم وتقلبى
3-هتحطى الزيوت اللى فوق اللى انا كتباها
مش كلها اووووووووووووووووعى لا نص الازازة يعنى نص ازازة من كل زيت
يعنى بما يعادل 2 معلقه كبيرة من كل زيت (زيتون - خردل -سمسم -خروع -جنين القمح")
4- ربع فنجان الجااااز بما يعادل_(2 معلقه كبيرة جاز)
5 -قلبى كويس جدااا
وتشيليهم فى الثلاجه مش برة اوكى
يتعمل مرة بالاسبوع
ويتحط
من ساعتين لتلات ساعات
طريقه الاستخدام
بصوا بقى انا هقلكم على حاجه كانت فاقعه مرارتى
بصراحه فى حمامات الكريم او الزيوت
كنت اغسلى شعرى واسيبه لما ينشف شويه مندى يعنى واحط الوصفه واقعد استنى
ساعتين واغسل تانى كنت بمل وبكسل احط اى وصفه مش الوصفه دى تحديدا
لغايه مبسال بنات خالتشى وهما بيعملوها بقالهم مدة كبيرة اوى والله اكبر
على شعورهم بجد الله اكبر لمعان ايه وطرواة ايه وماشاء الله شعرهم طويل
وناعم تحسى انه زى شعر بتوع الخليج والهند
قالولى احنا بنحط الوصفه على شعرنا وهوة ناشف عادى خالص يعنى (من غير
ميغسلوة علشان الوصفه لا عادى ) ونسيبه ساعتين او تلاته ونغسله بشامبو
وبعدة بلسم
قلت ميه ميه
وجربت الحركه دى وبجد حلوة اوى ومريحه جدااااااااااااااااااااااا
حطيت الكريم وقعدت ادعك فى فروة راسى كويس مش جامد احنا مش هنحارب لا انا اقصد بوصله للفروة بتاعه الراس
وبغسله بساعتين او تلاته
وشعرى الله اكبر عليه طرررررررررررررررررى وناعم وبيلمع لمعان حلو اوى
وبدا يطول والله انا شعرى ساعات كان بييقعد بالشهور مبيطول سنتى واحد لاكن حاسه انه طول فى مدة قصيرة
بس انا بعمل حركه كمان لما بغسل شعرى برش عليه بخاخ العسل اللى هنا فى
اللينك دة وبحط زيت سمسم لانه بيطرى الشعر وبيلمعه وبيمنع الهيشان وكمان
ملاحظه حاجه ان شعرى بدا يفتح والله بدا يبقى فى خصل بنى ودة هبقى اعملكم
موضوع عنه لان شفت اجانب بيعملوا بيه هاى لايت
سبحان الله(فيه شفاء للناس) تعالى شوفى تجربتى مع عسل النحل للشعر
بالنسبه للناس اللى سالت عن الريحه متقلقش خالص طالما غسلتى بشامبو انتهى الريحه خالص لان الجاز ريحته طيارة يعنى بتطير فى الهوا
وهقولكم على سر تعطير شعرى
بحط نقطتين زيت مسك او اى زيت اى برفان بالجرام تحبيه واملس على شعرى ولا
بينشف الشعر ولا بيتاثر خالص بس الريحه والله بالاسبوع فى الشعر تحفه
ليست هناك تعليقات:
إرسال تعليق