الثلاثاء، 25 ديسمبر 2012

لوتقدرى تعملى كده مع جوزك تبقى تستاهلى تمثال شا هد ة


كوني أنثى - لوتقدرى تعملى كده مع جوزك تبقى تستاهلى تمثال

 
صديقاتى
انا شفت كل واحده بتتصرف ازاى وكل واحده برضه ما وصلتش لحل يريح الطرفين والدليل انها بتتعرض لنفس المشكله تانى لانكم بتقولو (انا لما جوزى بيعمل كده بعمل انا كده)يعنى احنا كل مره- وانا معاكم فى المجموعه--كل مره بنكون رد فعل يعنى هل احنا اللى بنبتدى؟ والا بتحصل المشكله وتقع علينا فنتلقى فقط وعلينا ان نتحمل اللى بيتقال وكل مره بنفس الطريقه ولا بناخد حق ولا غيره
والازواج كمان اتعودت اننا زى كل مره هنقعد نقوق شويه وبعدين بعد كام يوم كل حاجه ترجع زى الاول - لكن المسائل لم تحل بعد بل اخدت رقم فى الترتيب يعنى بقت الخناقه رقم 36 مثلا والبدايه والنهايه بتبقى واحده مع اختلاف الاسباب فى كل مره
علشان كده عمالين نقول نتصرف ازاى!!!!!!!!!!!!
1-
شوفوا بقى الرجاله دول الله يعينهم على الدنيا وعلى اللى فيها واللى ما اتعلمش انه ازاى يصرف كل اموره بنوع من العقل والبساطه هيفضل طول عمره تعبان ومتعب وكمان هقول عليه غلبان
2-طبعا احنا لما اتجوزناهم ماعرفناش ان قدام شويه هيكون فيه مشاكل بشتى انواعها وكمان ازاى هما هيتصرفوا فيها وقبل الجواز المشاكل بينقدر عليها لاننا بنبقى عندنا طاقه استحمال ونظره ورديه ومستنيين بس اننا نروح بيتنا وبعدهاكل الهبل ده هيختفى ومش هيكون فيه مشاكل
3-هل حاولنا نشوف ازاى اهله بيتصرفوا ازاى؟ ماهو ما تنسوش من عاشر القوم بيبقى حتما زيهم الا القليل منهم ودى بتبقى طفره يعنى عايزه اقول اننا لازم نتجوز البيت وليس الرجل اللى خارج من البيت اظن فهمتونى لانهم زى ما بيعملو هو هيعمل عاجبك بقى والا لا ده حسن مشاهدتك وذكائك فى اكتشاف طبيعتهم وليس تصنعهم
3- ما تزعلوش من صراحتى لانى زيكم لكن اهو المحاوله مش حرام
1- لما يبتدى الخناق شوفى ايه الموضوع واسمعيه واعملى ابله الهبله بس ما تزوديش فيها علشان ما تعصبيهوش
2-قولى انك والله ما تقصديش ابدا وما تعرفيش انه ممكن يتضايق
3-قولى له ما ينفعلش ولنك هتشوفى هو عايز ايه وتعمليه
4-قومى اعملى اى حاجه وراكى وما تنسيش تقولى حقك عليا وان هسيبك تهدى ولو عزت حاجه نادى عليا
لما تكلميه ابقى اقعدى-- علشان انا عارفه انك متعصبه جدا-- فلو كنت واقفه هتلاقى نفسك بتزيدى فى الانفعال
5-بعد بقى لما يكون هدى ابقى قوليله طيب انت تزعل لو عملت كذا او كذا يمكن يكون الله هداه وفكر بالراحه ولقى ليك اى حق او قوليله انك مش عارفه تعملى كده ازاى مش هتقدرى مثلا او انك هتبقى مش مرتاحه وما تعرفيش ليه
6- لو طلع كلامك صح اوعىىىىىىىىى تقوليله شفت بقى ان كلامى هو الصح ازاى --كده تبقى بتبوظى الدنيا
7-لو الامور تطورت صوت عالى بقى او شتايم امشى من قدامه وروحى المطبخ قال يعنى بتغسلى بتطبخى وسيبيه هيسكت هيسكت
8-انت بس تعرفى اذا كان بيجى بالعتاب والا لا واذا كان العتاب هيهيج الدنيا تانى يبقى بلاش منه احسن بس اتعلمى بقى اديك عرفت مفاتيحه
9- ما تحاوليش تحكى لحد علشان التسخين بيبقى شديد الا ا1ا كان هناك حد عاقل وبكرر عاقل ومحترمبيريح ويهدى مش بيشعلل
10 - ودى لازم تكون علطول معاك ارمى تكالك على الله وثقى جيدا انه دائما معك بس ما تكونيش انت خارباها طبعا يعنى حسن التفكير والموده والحاجات الكويسه اللى فى حياتنا اكيد فيه حاجه هتشفع فى وسط الزعل
11- المفروض اننا بينا موده ورحمه وحب ولا يختفى اى منهم ولكن يهدأ قليلا-- فبدايه الزواج الحب شديد بيقل شويه فتقوم الموده تحييه واذا لم تستطع فالرحمه تحييهم الاثنين معا وتجددهم
يارب ما اكونش تقيله عليكم واكون افدتكم وادعو لى ولكم باستمرار الموده والرحمه علنا نرجع الحب تانى

اليكم الفيديو

ليست هناك تعليقات:

إرسال تعليق